المطابخ كتيره اوى واشكالها بقت كتير جدا ، والخامات بقت محيره جدا .. والواحد معدش عارف الفرق بينهم وانهى عملى وانهى اشيك وانهى ارخص ، وانهى الصحى و الغير صحى … كل ما اشوف نوع يعجبنى والصور على النت رهيبه وجميله جدا …
كل ما اسأل حد يقولى حاجه شكل، منهم بيقولى احنا بنتعامل بالوحده ومنهم بسعر المطبخ ككل ومنهم بالمتر المربع ، والواحد حاسس انه ممكن يضحك عليه وانه مش فاهم مين فيهم الاغلى ومين فيهم اللى بيشتغلنى ..
مره عميل قالى انه اتفق مع مكتب على سعر وبعد كده لما شافونى خلاص اقتنعت وحشتغل معاهم لاقيتهم بيكلمونى وبيقولولى السعر حيزيد 5000 ج علشان الاكسسوارات !! يعنى هما افتكروا فجأه ؟ ولا بيعملوا الخدعه دى علشان تيجى رجلى ؟وبعدين يغيروا فى كلامهم ..
المطابخ ليها تصاميم كتيره وتفاصيلها كتيره فعلا .. وممكن المناسب ليك ميكونش مناسب لغيرك – يعنى مثلا المطابخ ليها كذا تصميم زى ال U او ال L او wall gallery أو …….. وكل شكل من دول ليه صور رائعه وعارف ان انت بيبقى نفسك فى كل ده عندك … بس لازم نراعى أوى مقاسات معينه علشان متكتشفش فى الاخر انك كلفت فلوس كتير والمطبخ اتعمل وكل حاجه بس انت مخنوق فيه ، أو حسيته زحمه أو حتى فاضى ..
انا بدأت المشوار انى بعشق الخشب وشغل الخشب ولاقيت نفسى بحب جدا اشوف المشاكل اللى فى بيتى وأفكر ازاى احلها عن طريق الخشب ، أو اى فكره تانيه ..وبدأت اعمل كده مع الناس ، انى أقدم حلول لمشاكلهم فى بيوتهم على قد ما اقدر ..مش بتقيدوانا بفكر بعادات ولا مجتمع – وبيبقى كل همى انى أحل المشكله – علشان بقت أهم خدمه بنقدمها اننا نفكر معاك فى مشاكلك ونحلها سوا وننصحك ازاى تنفذها
وعلشان مشكلة الحيره اللى بتقابلها فى اختيار المطبخ وتصاميمه انا بعرض عليك اجيلك نعمل معاينه برسوم بسيطه – نرفع فيها المقاسات ونعرض عليك رؤيتنا وحلولنا وتاخد تصميم اولى لتوزيعة الاجهزه والحوض مرسوم autocad 2D – ونوريك الخامات نفهمك الفرق ما بينهم ونقولك الاسعار فى الوقت ده بتترواح من كام لكام …
وبعد كده انت تختار: * أما ننفذلك الشغل وفى الحاله دى رسوم المعاينه بتدخل فى الاسعار .
* او نشرف لحضرتك على الشغل مقابل 10% ونبقى مسؤلين عن تنفيذ المطبخ بالكواليتى اللى اتفقنا عليها بدون ما ندى فرصه لحد انه يغش او يغلط
*أو تاخد تصورنا ورسمنا الاولى وتنطلق بنفسك تنفذ بس بعد ما تكون فهمت كل اللى كان محيرك
واخيرا بنطمنك لو خدمتنا لحضرتك معجبتكش أو مقتنعتش بيها بنضمن لحضرتك 100% فلوسك ترجع ..
ابعتلنا رقم تليفونك فى رساله واحنا حنكلمك