Khalid Elnagar
create awesome spaces for you
What I DO..
I do it with passion
ديكورات
واستغلال المساحات
عندك مكان فاضى وعايز تستغله صح وتعمل فيه حاجه بتحبها ؟
عندك مشكله فى بيتك ومش عارف تحلها ازاى ؟
نفسك تعمل حاجه ومش لاقى مكان ليها ؟
عايز تعمل حاجه فى اثاث شقتك ومش عارف مين يعملهالك ؟
احنا بنشوف الاماكن بعين مختلفه ، بنقدر نستغل الفراغات ونحولها لاماكن رائعه
تشطيبات
أأمن طريقة تشطيب فى مصر
عايزبيتك جميل ومتناسق
مليان بالبساطه والفخامه مع بعض
ومتصمم بشغف وحب.
ومتأسس صح وباحتراف
ومن غير ضغط ولا وقت ضايع ولا مناهدات الصنايعيه ومن غيركمان مصاريف زياده
كل اللى عليك انك تستمتع بوقتك مع اسرتك وتسيب الباقى علينا
مطابخ
أعمل مطبخ ذكى
المطابخ مش بس مكان للطبخ
ده مكان للاسره كلها تتجمع فيه
ده اكتر مكان بتقضى فيه وقتك
علشان كده تصميم المطبخ لازم يتناسب مع شكل حياتك
المطبخ الذكى .
يعنى عملى ومتوظف صح
وقوى يعنى يعيش ويستحمل
وكمان شيك ومريح للعين
خالد النجار
بعشق الخشب والنجاره ، بشتغل على أفكار وابتكارات لاستغلال المساحات ، بساعد كل اللى نفسه يعمل فى بيته مكان او كورنر خاص بيه ومش عارف يعمل فيه ايه وازاى
بساعد أى حد بيجدد أو بيشطب شقه جديده أنه يعملها زى ما هو بيتمنى
علشان يكون بيتك المكان اللى تحب تعيش فيه ، وتستريح فيه ، وتقدر تفصل فيه بعد عناء يوم طويل
" الشغف "
انا مهندس ميكانيكا بقالى 15 سنه . والحمد لله من يوم ما اتخرجت وانا شغال فى مجال البترول ، نفس السنه اللى اتخرجت فيها اشتغلت فيها ، وبعدها بسنه دخلت فى فيلم الجواز ومصاريفه والاولاد ومصاريفهم ، كل كده ورا بعضه حاجه كده طاحونه
العجيب ان الناس كلها عارفه انها طاحونه ومحدش فرمل خالص .. كله مكمل .... الطاحونه دى مخلتنيش اقف شويه بحزم وجديه واسأل نفسى .. هل ده الطريق اللى بحبه وأحب اكمل فيه ... هل ده الطريق المناسب لاهتماماتى وشغفى .. أصلا فى الدوامه دى كلمة " شغف" دى رفاهيه .. " فضلة " الوقت ان كان فى وقت ... مستلزمات الحياه كامله بتخليك تفكر بس فى الفلوس اللى انت محتاج توفرها علشان تعيش عيشه كريمه انت وأهلك .. أتارينى بعييش فى وادى وفى حته جوايا فى وادى تانى كل يوم بدفنها أكتر ، وأقولها مش وقتك ، بعدين ، لما أفضى .
ومن فتره كده قررت أنى اسمع لنفسى ومسكتهاش .. لقيتها بتقولى " لحد امتى ؟ ، أنت مش لاقي نفسك خلاص فى الشغل والدوامه دى ، أنت مش قادر تضيف فيه أى حاجه جديده ، خلاص مفيش انجازات ولا اضافات ولا ابداعات ... خلاص الروتين الطبيعى بيموتك ... بتعد الساعات علشان تمشى من الشغل وترجع بيتك ... انت ليه دافن نفسك كده ؟ ليه ؟
ساعتها بس قولت لنفسى ليه ؟ فعلا ليه ؟ ايه اللى مخلينى كده .. انا ساكت ليه ؟ لازم فى حل ...وفضل الامر معايا متعلق ، بس انا المره دى غير قبل كده .. المره دى انا دايما بفكر ، دايما بسأل نفسى السؤال ده " انت عايز ايه ، بتحب ايه ، نفسك تخلص من الدوامه دى بإيه ؟ " وفجأه افتكرت زمان .. اه زمان أوى
